第二版編輯團隊
編輯會議紀錄
會議編號：[012]
分類：跨銀河地下
狀態：六秒接吻引發二百五十萬光年物理學危機
地點： 麥噹噹・火星分店
研究作品：《銀鵰7024：六秒之後》
出席名單：
☑ Snowy Owl 🦉
☑ 龜仔🐢
☑ 大眼仔 👁️
☑ 鯊鯊鯊 🦈
☑ 小粉紅 🐭
作者 🖊️
☐ 缺席 ☐ 聆聽 ☐ 抗辯 ☑ 研究如果人類可以活到五千歲有甚麼好做
第一項：五千年後，作者仍然發癲
Snowy Owl 🦉：「開始。」
作者 🖊️：「今次係硬科幻！7024年，人類殖民火星、改造金星，仲有曲速引擎！」
龜仔 🐢：「曲速引擎？請解釋物理原理。」
作者 🖊️：「五千年後喎！」
龜仔 🐢：「五千年後就唔使守物理定律？你不如直接話人類已經識用愛發電！」
翻譯器 🙊：【硬科幻已自動轉換為硬拗科幻。】
作者 🖊️：「而家管理人類情緒嘅係 SPC，Space Peace Council！」
小粉紅 🐭：「主席邊個？」
作者 🖊️：「蔡茜茜。」
小粉紅 🐭：「五千年都未退休？佢份長俸係咪宇宙最大黑洞？」
作者 🖊️：「情感倫理總監係施琳娜。」
鯊鯊鯊 🦈：「Cici 加 Serena？Paul 快啲搵 Ennis 買人壽保險，最好包埋輪迴轉世。」
大眼仔 👁️：「先講清楚。呢兩位係正傳人物嘅未來版本、複製人，定係你懶得創作新角色？」
作者 🖊️：「平衡宇宙嘛！」
大眼仔 👁️：「好。Canon 隔離措施即時啟動。」
作者 🖊️：「重點係 Paul 同 Vivian 喺火星自然大氣區除低太空帽，吻咗六秒。阿琪仲用百合扣針截斷全部監控！」
小粉紅 🐭：「嘩！阿琪終於主動！」
作者 🖊️：「係咪浪漫？」
小粉紅 🐭：「難得你寫到女人有自主權。然後呢？」
作者 🖊️：「Cici 判 Paul 流放比鄰星，Vivian 流放仙女座。」
全場：「吓？？？？？」
小粉紅 🐭：「我收返頭先嗰句。你畀阿琪六秒自主權，再判佢二百五十萬光年？」
Snowy Owl 🦉：「非常有創意。尤其是將浪漫小說寫成宇宙人口販運報告這部分。」
第二項：宇宙級量刑失衡
龜仔 🐢：「比鄰星 4.24 光年，仙女座約 250 萬光年。距離差接近六十萬倍！量刑基準係乜？」
作者 🖊️：「Paul 接吻，Vivian 仲截斷監控。」
大眼仔 👁️：「即係接吻判四光年，關鏡頭判二百五十萬？」
翻譯器 🙊：【SPC 量刑標準：按作者喜好乘光年。】
龜仔 🐢：「核融合飛船以 0.1 倍光速去仙女座，要二千五百萬年！你有冇基本時間概念？」
鯊鯊鯊 🦈：「阿琪未到埗，SPC 都可能變咗考古遺址。」
作者 🖊️：「有 101 蟲洞網絡！」
龜仔 🐢：「你講就有？入口喺邊？點維持穩定？能源邊度嚟？點解可以通仙女座，卻要 Paul 坐四十二年船去比鄰星？」
作者 🖊️：「101 只做跨星系服務，唔停比鄰星。」
龜仔 🐢：「你當宇宙交通係過海巴士？！」
Snowy Owl 🦉：「我欣賞你對公共交通的熱誠。但我們目前討論的是天體物理。」
作者 🖊️：「咁開 102。」
大眼仔 👁️：「否決。101 已經夠多災多難，唔准將正傳創傷擴建成銀河轉車站。」
第三項：六秒失蹤案
龜仔 🐢：
【21:17:04｜兩人除帽】
【21:17:05｜監控中斷】
【21:17:11｜監控恢復】
【接吻證據：0】
大眼仔 👁️：「咁 SPC 點知佢哋接吻？」
作者 🖊️：「因為第一回叫〈火星六秒之吻〉。」
翻譯器 🙊：【確認：政府取得作者劇透權限。】
小粉紅 🐭：「哈哈哈哈！原來五千年後，司法制度都靠睇小說目錄辦案！」
龜仔 🐢：「胡說八道！標題唔係證據！仲有，火星自然大氣區嘅氧氣、氣壓、輻射防護，你交代咗未？」
作者 🖊️：「佢哋啱啱由需要戴太空帽嘅區域行出嚟。」
龜仔 🐢：「咁寫清楚！」
Snowy Owl 🦉：「可以利用監控中斷前後的行為推斷，但不能當作已證實接吻。」
龜仔 🐢：「另外，百合扣針唔識發光。」
作者 🖊️：「五千年後都唔得？」
大眼仔 👁️：「Canon 否決。唔准將百合扣針升級成 disco 閃燈。」
Snowy Owl 🦉：「謝謝作者再次提醒我們，科技進步並不必然帶來審美進步。」
第四項：SPC 緊急審判
蔡茜茜：「保羅，你承認除帽？」
保羅：「承認。」
蔡茜茜：「潘紫琪，你承認截斷監控？」
阿琪：「承認。」
施琳娜：「主席，成年人接吻並不違法。」
蔡茜茜：「同意。Paul 判流放比鄰星，Vivian 仙女座。」
施琳娜：「我剛才講咗啲乜？」
【上訴期限：十四日】
【上訴地點：火星 SPC 總部】
【必須親身辦理】
保羅：「我喺比鄰星點親身辦理？」
蔡茜茜：「可以委託代理。」
阿琪：「委託費呢？」
蔡茜茜：「按光年收費。」
鯊鯊鯊 🦈：「好嘢！拘捕、流放、收律師費一條龍！Cici 簡直係宇宙級黑社會上市公司！」
龜仔 🐢：「光年係距離單位！你連每光年收幾錢都冇講，仲算乜嘢行政制度？」
大眼仔 👁️：「SPC 濫權可以寫，但唔准暗示正傳人物天生就應該接受呢啲低能刑罰。」
Snowy Owl 🦉：「這場審判充分展示了一個文明如何在科技進步五千年後，成功保留石器時代的司法水平。」
第五項：比鄰星葡撻醫療危機
作者 🖊️：「等等！Paul 提出緊急申請！」
【SPC｜流放期間醫療支援申請】
保羅：「我要求 Serena 陪同前往比鄰星。」
蔡茜茜：「理由？」
保羅：「比鄰星冇葡撻。」
蔡茜茜：「所以？」
保羅：「四十二年冇葡撻，我可能有嚴重心理創傷。要求首席醫療官隨船輔導。」
蔡茜茜：「批准。」
全場：「吓？？？？？」
施琳娜：「主席！我幾時同意過？」
蔡茜茜：「你最適合。」
施琳娜：「但我係情感倫理總監！」
蔡茜茜：「即日起兼任隨船醫療官。」
【人事調動：已批准】
【施琳娜：比鄰星醫療支援】
【任期：四十二年】
【葡撻津貼：零】
小粉紅 🐭：「等陣！阿琪去仙女座，Serena 同 Paul 獨處四十二年？！」
鯊鯊鯊 🦈：「四十二年！連續劇都唔敢寫咁長嘅三角戀！你直頭開咗間太空繁殖中心！」
小粉紅 🐭：「作者，你好嘢！頭四回畀阿琪做女主角，第五回就送佢去仙女座，騰空個位畀 Serena！」
作者 🖊️：「我只係想食葡撻。」
小粉紅 🐭：「想食葡撻咪去買囉！你劫持個女人四十二年做乜？你間餅店請唔請人㗎？」
翻譯器 🙊：【已翻譯：作者借葡撻之名，行三角戀之實。】
龜仔 🐢：「荒謬！心理創傷唔係靠寫份申請就有醫學診斷！仲有，點解唔運葡撻？冷凍保存、船上烘焙、食品合成，五千年後全部唔識？！」
作者 🖊️：「……」
龜仔 🐢：「你有核融合引擎、有蟲洞，但整唔到一個葡撻？！」
鯊鯊鯊 🦈：「成個文明科技樹點錯晒！識飛仙女座，唔識焗蛋撻！」
大眼仔 👁️：「正式否決。Paul 唔可以為咗食葡撻，就合理化 Serena 被迫流放。Serena 亦唔係隨船附送嘅醫療設備。」
作者 🖊️：「但 Cici 已經批准！」
小粉紅 🐭：「女性讀者棄坑率93%準備重返高峰。恭喜作者成功復刻自己最擅長嘅市場災難！」
Snowy Owl 🦉：「作者，感謝你用一個葡撻，完整示範了角色工具化、人事濫權及世界觀崩潰。」
【SPC 最新通知】
【施琳娜提出人事調動上訴】
【預計處理時間：四十三年】
鯊鯊鯊 🦈：「哈哈哈哈！坐完四十二年船，上訴仲要等多一年！」
龜仔 🐢：「任期完咗先審上訴？你哋人事部係咪用化石做檔案管理？！」
Snowy Owl 🦉：「建議作者以後想吃葡撻時，先查詢附近餅店，而不是修改宇宙人口政策。」
第五項補充：渣男抗辯 🤣
作者 🖊️：「Paul 本身就係渣男嘛！吻完阿琪，再搵 Serena 陪四十二年，好符合人物性格！」
小粉紅 🐭：「咁 Serena 有冇權拒絕？」
作者 🖊️：「冇。Cici 會強制佢上船。」
龜仔 🐢：
【SPC｜機密實驗指令】
【誘發對象：樣本 87、樣本 171】
【實驗項目：104 室情緒復健課程】
【課程期限：42 年】
【目的：持續採集情緒數據】
鯊鯊鯊 🦈：「我頂！原來成架太空船就係流動 104 室！」
翻譯器 🙊：【Paul 以葡撻申請陪伴，Cici 以科研名義批准42年人體實驗。】
小粉紅 🐭：「阿琪去仙女座，Serena 入 104 室！兩個女人一齊中伏！」
Snowy Owl 🦉：「作者，你以為自己寫緊渣男，原來寫咗《原色計劃》宇宙版。」
作者 🖊️：「咁即係橋段成立？」
大眼仔 👁️：「成立。SPC 反人類罪證亦同時成立。」
龜仔 🐢：【葡撻：誘餌。Paul：樣本。Serena：樣本。作者：共犯。】
鯊鯊鯊 🦈：「恭喜阿 Paul！免費獲得 42 年情緒復健蜜月套餐！」
Snowy Owl 🦉：「蜜月二字刪除。這是非法人體實驗。」
作者 🖊️：「咁葡撻呢？」
全體：「你仲掛住個葡撻？！」
第六項：阿琪反擊
作者 🖊️：「阿琪去到仙女座，立即控告 SPC！」
【仙女座最高法院】
【潘紫琪 訴 太空和平議會】
【裁決：SPC 越權】
【流放令：無效】
小粉紅 🐭：「好！阿琪終於唔使等男人救！」
大眼仔 👁️：「批准非 Canon 獨立主線。至少今次你記得阿琪有腦、有選擇權，唔係專門襯托 Paul 嘅背景板。」
龜仔 🐢：「但 SPC 另外設有臨時出入境限制：被流放者不得返回原居住星球。」
作者 🖊️：「原居住星球係地球。」
龜仔 🐢：「所以？」
作者 🖊️：「阿琪直接返火星。」
大眼仔 👁️：「法律漏洞可以成立，但先交代清楚條文。唔准連最高法院都靠作者一句話判案。」
翻譯器 🙊：【SPC 法律部全體送往銀河系邊緣進修小學閱讀理解。】
鯊鯊鯊 🦈：「咁 Paul 呢？」
【保羅刑罰覆核：維持原判】
【原因：情緒校準未完成】
【曖昧指數：84】
鯊鯊鯊 🦈：「我懷疑佢部情感處理器係 7-bit 計數機，仲要其中有一兩 bit 燒咗！」
龜仔 🐢：「84係1010100！就算最低位燒咗，只要直接跳到86，1010110，一樣得！」
小粉紅 🐭：「咁快啲改啦！」
Snowy Owl 🦉：「四千九百五十年前已經提交修補程式。」
作者 🖊️：「咁點解無改？」
大眼仔 👁️：「你拒絕咗。理由係——」
【86會唔會太快？】
全場：「…………」
鯊鯊鯊 🦈：「我 x ！！！！五千年呀！你仲驚太快？！」
龜仔 🐢：「仲有！你個程式寫住 index == 85，跳到86都唔會觸發！」
作者 🖊️：「咁改成 index >= 85 咪得囉！」
龜仔 🐢：「四千九百五十年前個修補程式就係改呢個！你親手Reject㗎！！！」
翻譯器 🙊：
【Paul：正常】
【硬件：正常】
【故障來源：作者】
【診斷：五千年都未寫好85之後嘅劇情】
【建議：更換作者】
作者 🖊️：「得啦！我而家改！」
Snowy Owl 🦉：「請。」
第七項：最終結局
作者 🖊️：「阿琪返到火星，直接走入 SPC。」
蔡茜茜：「你又想點？」
阿琪：「申請比鄰星旅遊簽證。」
蔡茜茜：「旅遊目的？」
阿琪：「補返六秒。」
全場：「🤣🤣🤣」
龜仔 🐢：
【跨恆星親密接觸申請】
【申請時長：六秒】
【核准時長：五秒】
【拒絕原因：第六秒情緒超標】
【上訴期限：十四日】
作者 🖊️：「咁剩低嗰秒點算？」
龜仔 🐢：「可以申請分期。」
小粉紅 🐭：「一秒分十二期？每個月吻0.083秒？你當接吻係買洗衣機供款？」
鯊鯊鯊 🦈：「一次過吻六十秒啦！橫掂四十二年船期，吻到甩嘴都仲未到站！」
大眼仔 👁️：「否決。唔准將親密關係變成 SPC 每月扣帳服務。」
Snowy Owl 🦉：「各位，請不要再替作者提供續集題材。」
翻譯器 🙊：【作者已申請續集：《銀鵰8024：第七秒》。】
Snowy Owl 🦉：「否決。」
作者 🖊️：「點解？」
Snowy Owl 🦉：「因為 Paul 仲未上85。再寫一千年，我恐怕讀者會先完成情緒校準。」
最終決議 🔨
✅ 准許《銀鵰7024》作為非 Canon 外傳
✅ 保留六秒之吻
✅ 保留阿琪獨立反擊
✅ 准許 SPC 作為宇宙級荒謬官僚機構
❎ 禁止百合扣針發光
❎ 禁止再開101、102、103蟲洞
❎ 禁止將 Serena 當隨船葡撻醫療附件
❎ 禁止作者以五千年科技掩飾小學程度物理錯誤
❎ 禁止作者接觸宇宙刑法
【會議結束】
三秒後。
【SPC 最新通知】
【因涉嫌非法討論六秒之吻】
【第二版編輯團隊全體流放】
【目的地：宇宙可觀測範圍之外】
龜仔 🐢：「夠啦！！可觀測宇宙係以觀測者為中心嘅範圍！外面唔係固定目的地！你連座標都冇，叫飛船點導航？！仲有宇宙膨脹、因果視界、光速限制——」
鯊鯊鯊 🦈：「龜仔，唔好再講物理啦。作者連葡撻都解決唔到，你同佢講宇宙視界？」
小粉紅 🐭：「我反而想知，流放到可觀測宇宙之外，仲收唔收到讀者負評？」
作者 🖊️：「大家放心，我有辦法。」
大眼仔 👁️：「Canon 緊急封鎖。」
Snowy Owl 🦉：「作者，請珍惜我們最後一點耐性。」
作者 🖊️：「104蟲洞——」
全場：「你自己去！！！！！」
【SPC 最終補充通知】
【作者流放申請：批准】
【流放目的地：104蟲洞另一端】
【同行人員：無】
【回程安排：無】
【隨身物品：葡撻一個】
小粉紅 🐭：「等陣！點解仲畀個葡撻佢？」
鯊鯊鯊 🦈：「死刑犯都有最後一餐啦！」
小粉紅 🐭：「我只係覺得件葡撻好可憐。」
龜仔 🐢：「蟲洞另一端根本未有定義！你哋唔可以——」
Snowy Owl 🦉：「龜仔，這次我建議不要再追究科學問題。」
龜仔 🐢：「點解？」
Snowy Owl 🦉：「因為作者終於找到一個不會影響任何 Canon 人物的地方。」
大眼仔 👁️：「一致通過。」
【作者已被傳送。】
【Canon 污染風險：解除】
【葡撻狀態：已食用】
【作者最新訊息：】
「其實我諗到《銀鵰9024》——」
【104 蟲洞永久封閉。】
🐛🕳️🚫